Jungi Garde

Bi de Basler Rolli lege mir Wärt uff e sorgfältigi Usbildig vom Nochwuggs im Pfyffe und Drummle.
Intärni Instruggtore us em Stammverein sorge fir e breiti musikalische Grundusbildig und e gezilte Uffbau im Umgang mit em Insch
trumänt.

Aber au d’ Kameradschaft wird gross gschryybe. Diversi Aaläss, wie zem Byschbyyl e Yebigs- und Plauschwuchenänd, e Bunte Oobe zämme mit em Stamm und dr Alte Garde, e Grillfescht im Summer und anderi Aktivitäte bilde näbe dr Fasnacht die gsellschaftlige Höhepynggt im Cliquejoor.

Zuedämm wärde die Junge aggtiv in d’ Fasnachtsvorbereitige mitybezoge. Die gemeinsame Ööbe bi dr Wahl vom Sujet, bim Baschtle vo de Larve und Requisite im Cliquenkeller trage ebefalls zur guete Kameradschaft innerhalb vo dr Junge Garde bi.
 

Mir sueche neui Mitglider für die Junge Rolli - willsch drbyy syy?
Hesch du Interässe bi uns als Afänger oder Fortgeschrittene Fasnacht z mache? Hesch du friener Fasnacht gmacht und suechsch e Clique fyr dini Kinder? No mäld di ganz ungeniert bi unserer Obfrau vo dr Junge Garde!