Laudatio zem Fufzig-Joor-Jubiläum vo de Basler Rolli

01.03.2019 09:25:17 | Dominic Stöcklin | 0 Kommentare
Nid jede waiss in däm Theater
E Rolli isch e Buusi-Kater
S isch unser Rolli ganz und gar
E wunderbar scheen Exemplar
Im Saft und gräftig - jä dä gfallt mr
Mit 50 au im beschten Altr
S isch offebar das Rolli-Schätzli
E bsunder rallig Juubel-Kätzli
Do gooht ebbis bim Rolli rollts
Drum sin die Junge grooss und schtolz
S sin au die Alte buschbr-schtramm
Rötze fascht besser as dr Schtamm
He nai mir wänn dr Schtamm nid negge
Will dä muess sich denn nid vrschtegge
Dä Uffdritt duets perfäggd erkläre
Ihr schpiled als in andre Sphäre
Jä ihr miaued ganz wyt oobe
S ka s Comité do numme loobe
Gässlet ihr schtolz denn bin ys duure
Dien mir vor Wöhli wohlig schnuure
E Clique wo sich lossd lo gseh
S vrnaigt sich härzlig - s Fasnachts-Comité

Basel, 28. Hornig 2019
Keine Kommentare vorhanden.