Basler Rolli Jungi Garde: Info-Oobe

23.02.2018 17:41:47 | Dominic Stöcklin | 0 Kommentare
Pfyffe und drummle bi dr JUNGE GARDE vo de Basler Rolli: Mach Fasnacht, wird e Rolli!

Fasnachtsluft schnuppere mit de Junge Rolli
Isch dr Plausch und e Erfahrig - e super tolli

Kumm go lehre pfyffe oder drummle,
due mit is Fasnacht mache, mit is bummle.

Ebb Bueb oder Maitli, di 7. Geburtstag isch verbyy,
bi uns bisch willkomme und scho bald drbyy!

Mr yebe am Donnschtig im Theodorsschuelhuus oder im Cliquekäller am Wettstaiplatz.
Also loos, no länger warte isch fir d Katz!

Kumm am 22. März 2018 uff die halb 7i z’Oobe
in unsere Cliquekäller an Wettstaiplatz 4, an Info-Oobe.

Wenn d’e Mail an pfyffedrummle@baslerrolli.ch schigge duesch,
erfaarsch alles, was du sunnscht no wüsse muessch.

Mr freye uns uff di und uff e Fasnacht e tolli,
s’näggscht Joor bi de BASLER ROLLI.
Keine Kommentare vorhanden.