Stamm

D Basler Rolli Fasnachtsgsellschaft 1969 ghört zu de grosse Stammclique an dr Basler Fasnacht. Näbem Stammverein gits bi de Basler Rolli e Jungi Garde und e Alti Garde. Im Vordergrund stoht bi de Basler Rolli dr Spass am zämme Fasnacht mache und s gmeinsame musiziere uff hochem Niveau. Dodrzue ghört au d Förderig vo junge Fasnächtler wo in dr Junge Garde beschtens uffghobe sin und durch engagierti Mitglider vom Stammverein bim Spile vom Inschtrumänt unterrichtet wärde.

D Basler Rolli sin e sehr e aggtivi Clique wo sich unterem Joor nid numme in de Iebigsstunde trifft. Mit vyyle Aaläss wo sich Stamm, Jungi und Alti Garde träffe zelebriere und gniesse mir s Cliqueläbe.

Willsch au du e Rolli sy? No kasch di jederzyyt bim Obmaa mälde!