Basel Tattoo 2019

08.01.2020 17:53:37 | Dominic Stöcklin | 0 Kommentare
10 Dääg im Summer - so solls si

Sin mir Rolli amigs mit drbii

Wenn z Basel s Tattoo uff dr Agända stoot

Und e mängge uff Basel zur Kasärne goot



Mit ere Raclette-Baiz - fascht Traditioon

Und ganz viil Kääs als Munizioon

Hän d Rolli sich wider preseentiert

Und d Lääbere-Wärt vo dr Kundschaft ruiniert



Voll isch es gsi - zumindescht hindedra

Vo de Gäscht darfs e weneli mehr ha

Das soll aber nid entscheidend si

An däm Aloss sin mir wägge uns drbii



Zämme e Baiz betriibe - äifach so

Uns als Rolli im Summer bitz nöcher ko

Doorum isch s Ziil vo däm ganze Event

Dass e jeedi jeede bitz besser kennt



Und wenn denn e Batze duet hängge bliibe

Dien mir uns nid ungläubig in de Auge riibe

Sondern sin zämme Stolz uff uns Rolli

Will mir sin e bsunderi Clique - ganz e tolli
Keine Kommentare vorhanden.