Jungi Garde

Bi de Basler Rolli lege mir Wärt uff e sorgfältigi Usbildig vom Nochwuggs im Pfyffe und Drummle.
Intärni Instruggtore us em Stammverein sorge fir e breiti musikalischi Grundusbildig und e geziilte Uffbau im Umgang mit em Inschtrumänt.

Au d’ Kameradschaft wird gross gschryybe. Divärsi Aaläss, wie zem Byschbyyl e Yebigs- und Plauschwuchenänd, e Bunte Oobe zämme mit em Stamm und dr Alte Garde, e Grillfescht im Summer und anderi Aktivitäte bilde näbe dr Fasnacht die gsellschaftlige Höhepünggt im Cliquejoor.

Zuedämm wärde die Junge aggtiv in d’ Fasnachtsvorbereitige mitiibezoge. Die gemeinsame Ööbe bi dr Wahl vom Sujet, bim Baschtle vo de Larve und Requisite im Cliquenkeller trage ebefalls zur guete Kameradschaft innerhalb vo dr Junge Garde bi.